یونان میں پناہ گاہ کی تلاش

انسانی سمگلنگ فریب، دباؤ یا جبر کے ذریعے استحصالی مقاصد کے لیے لوگوں کی نقل و حمل یا بھرتی ہے۔ انسانوں کی سمگلنگ کرنے والے اکثر لوگوں کا استحصال کر کے مالی فائدہ حاصل کرتے ہیں۔ یونان میں مہاجروں اور پناہ گزینوں کو استحصالی مقاصد کے لیے نشانہ بنایا جا سکتا ہے۔

اعضا کی پیوندکاری کرنے والے کبھی کبھی بغیر اجازت کے یا جبری طور پر اعضا الگ کرتے ہیں۔ یہ غیر قانونی اور خطرناک ہے۔ اس سے آپ کی جان بھی جا سکتی ہے۔

لوگوں کو استحصال کے لیے لبھانے اور دام میں پھنسانے کے بہت سے طریقے ہیں، جیسے

مہاجروں اور پناہ گزینوں کو بعد میں معاوضہ دینے کی لالچ کے ساتھ سفر اور پناہ میں مدد دینے کی پیش کش کی جاتی ہے۔ مکمل تفصیلات سے آگاہ نہ ہونے کی صورت میں اس سے اتفاق نہ کریں۔ اس طریقے سے انسانی سمگلنگ میں ملوث افراد لوگوں کو کنٹرول کرتے اور ان کا استحصال کرتے ہیں۔ اسی طرح یہ قرض کے عوض غلامی ہے۔

یہ بہت اہم ہے کہ کوئی بھی فیصٖلہ کرنے سے پہلے آپ ذاتی تحفظ کو اولین ترجیح دینا یقینی بنائیں۔

انسانی سمگلرز کے بہت سے چہرے ہوتے ہیں۔ وہ کسی بھی عمر، صنف یا قومیت کے ہو سکتے ہیں۔

ان کے چنگل سے نکل آنے والے لوگ اکثر بتاتے ہیں کہ انہیں ان کے پارٹنرز، جیون ساتھیوں، دوستوں، یہاں تک کہ خاندان کے افراد نے سمگل کیا۔

انسانی سمگلر کا مقصد عمومی طور پر مالی فوائد حاصل کرنا ہوتا ہے اور وہ فریب دہی کے ماہر ہوتے ہیں۔

وہ جانتے ہیں کہ کیسے آپ کا بھروسہ جیتنا اور آپ کو خاص ہونے کا احساس دلانا ہے۔

وہ اکثر دوستی کی پیش کش کر کے نوجوانوں کو شکار بناتے ہیں۔

ہو سکتا ہے وہ آپ کے لیے تحفے خریدیں، پیسے دیں یا نشے کی پیش کش کریں۔

بدقسمتی سے غیر محفوظ حالات کے شکار لوگوں کو شکار بناتے ہیں۔ بھروسہ جیتنے کے بعد ہو سکتا ہے انسانی سمگلر کا شفیق سلوک تبدیل ہو جائے اور وہ آپ کو کنٹرول کرنے لگے یا تشدد پر اتر آئے۔  اس کا مقصد آپ پر تصرف پانے اور استحصال کرنے کے لیے آپ کو دام میں پھنسانا تھا۔ ہو سکتا ہے وہ آپ کو یقین دلائے کہ یہ صورتِ حال، حتی کہ ان کا غلط رویہ، عام سی بات ہے۔

انسانی سمگلر اکثر لوگوں کو جبری طور پر کچھ ایسا کرنے پر مجبور کرتے ہیں جو وہ نہیں کرنا چاہتے۔ وہ ڈرا دھمکا کر لوگوں کو جبری طور پر اسی حالت میں رہنے پر مجبور کرتے ہیں۔

ہو سکتا ہے انسانی سمگلر آپ کو یقین دلائے کہ پولیس اس کے ساتھ ہے۔ یہ جھوٹ ہے۔ یونان میں انسانی سمگلنگ غیر قانونی ہے۔

کنٹرول کرنے کے دیگر طریقوں میں شامل ہے:

اگر آپ خود کو ایسی صورتِ حال میں پاتے ہیں جس سے آپ فرار چاہتے ہیں تو ایسی تنظیمیں ہیں جو مدد کر سکتی ہیں۔

اسمگلنگ اور انسانی انسانی بازار کاری دونوں میں ہی لوگوں کی نقل و حرکت شامل ہوتی ہے، لیکن ان میں فرق ہے۔

سمگلنگ ایسی سروس ہے جسے کسی ملک میں غیر قانونی طور پر داخل ہونے کے لیے استعمال کیا جاتا ہے۔ سفر اور رقوم کی ادائیگی مکمل ہونے کے بعد تبادلہ ختم ہو جاتا ہے۔

انسانی سمگلنگ میں کسی شخص کو سفر کے لیے مجبور کرنا یا سفر کے اختتام پر اس سے ملازمتوں یا تحفظ کا وعدہ کرنا شامل ہے۔ استحصال منزل مقصود پر اور/یا سفر کے دوران کیا جا سکتا ہے۔

سمگلنگ اور انسانی سمگلنگ مجرمانہ نیٹ ورک کے طور پر اکٹھے کام کرنے والے گروہوں کی وجہ سے آپس میں خلط ملط ہو سکتے ہیں۔

• ہو سکتا ہے سمگلر انسانی سمگلنگ میں ملوث لوگوں سے رابطے میں ہو اور نئے آنے والے لوگوں کے بارے میں معلومات فراہم کرے۔
• سمگلر آنے والے فرد کو یہ بھی بتا سکتا ہے کہ پہنچ کر فلاں ‘بھروسہ مند شخص’ سے رابطہ کرے۔ ہو سکتا ہے یہ ‘بھروسہ مند شخص’ آپ کے استحصال کا منتظر انسانی سمگلر ہو۔

ہمیشہ کسی شخص پر بھروسہ کرنے میں احتیاط سے کام لیں۔ آپ کا تحفظ بہت اہم ہے۔ اگر آپ کو کوئی ایسی پیش کش کی گئی ہے جو مشکوک نظر آ رہی ہے تو اپنی چھٹی حس پر بھروسہ کریں اور فوری طور پر اس صورتِ حال سے دور ہو جائیں۔

دور ہونے کے بعد بھروسے والے کسی شخص کو بتائیں۔ اس ویب صفحے کے نیچے ان تنظیمیں کی تفصیل ہے جن سے آپ رابطہ کر سکتے ہیں۔

یونان میں مہاجروں اور پناہ گزینوں کو اعانت فراہم کرنے والی بہت سی تنظیمیں اور 18 سال سے کم عمر افراد کی اعانت کرنے والی مخصوص سروسز ہیں۔

یہ امدادی تنظیمیں پولیس یا حکومت کی  معاونت کے بغیر کام کرتی ہیں۔ وہ ہر چیز سے بڑھ کر ان لوگوں کی بہبود اور سلامتی کو ترجیح دیتے ہیں جن کی وہ اعانت کر رہے ہوتے ہیں۔

ہو سکتا ہے لوگ آپ سے کہیں کہ ان تنظیموں پر بھروسہ نہیں کیا جا سکتا، لیکن یہ سچ نہیں۔ ان تنظیموں کا مقصد ہی آپ کی مدد کرنا ہے۔

ان تنظِموں کو اکثر مختلف ناموں سے جانا جاتا ہے، جیسے غیر حکومتی تنظیمیں (NGOs)، غیر منافع بخش تنظیمیں یا فلاحی ادارے۔

یہ تنظیمیں مختلف قسم کی سروسز فراہم کرتی ہیں، جن میں شامل ہے:

اگر آپ کی عمر 18 سال سے کم ہے اور آپ اس وقت یونان میں اکیلے ہیں یا بے گھر ہیں تو آپ کے لیے مدد موجود ہے۔

سرپرستانہ نیٹ ورک

سرپرست، بالغ فرد کے بغیر رہنے والے بچے کے احساسات کو محسوس کرنے والا ایسا شخص ہوتا ہے جس پر وہ بھروسہ کر سکتا ہے۔

سرپرستانہ نیٹ ورک درج ذیل علاقوں میں کام کرتا ہے: ایتھنز، تھیسالونیکی، کالاماٹا، اوریسٹیڈا، لیسوس، کیوس، ساموس۔

یہ نیٹ ورک ان بچوں کی اعانت کرتا ہے جو قید میں ہیں یا کھلے آسمان تلے یا چاردیواری کے اندر بنے رہائشی مراکز میں ٹھہرے ہوئے ہیں۔

سرپرستانہ نیٹ ورک کے ارکان درج ذیل سے متعلق مسائل کے حوالے سے بچوں کے حق میں کام کرتے ہیں:

• پناہ لینے کے طریقہ ہائے کار
• خاندان سے دوبارہ ملاپ کے طریقہ ہائے کار
• یہ تعین کرنے کے لیے کہ بچوں کے مفاد میں کیا بہتر ہے ان کے اہلِ خانہ سے تبادلہ خیال کرنا
• صحت کی دیکھ بھال
• تعلیم
• نفسیاتی و سماجی اعانت

مذکورہ بالا کے علاوہ، سرپرستانہ نیٹ ورک کے ارکان:

• بچوں کے ساتھ بامعنی اور معقول حد تک تعلقات استوار کرتے ہیں
• بچوں کو عجائب گھروں اور ان ک دلچسپی کے دیگر مقامات پر لے کر جاتے ہیں
• تھیئٹر سے متعلق کھیلوں اور کھانے پکانے کی کلاسوں میں شرکت کرتے ہیں
• پراجیکٹ میں وظیہ خور بچوں کے ساتھ مظبوط دوستانہ تعلقات بناتے ہیں
• بچوں کے ٹیلنٹ کو فروغ دینے کے لیے اقدامات کرتے ہیں

گر آپ 18 سال سے کم عمر اور اکیلے ہیں اور مدد چاہتے ہیں تو مذکورہ بالا اعانت تک رسائی کے لیے میٹاڈراسی سے رابطہ کر سکتے ہیں۔

واٹس ایپ اور وائبر:

0030-6908091433

ای میل کا پتہ: [email protected]